Paraulas : La confession
“Ièu me confessi Paire,
Lo còr plen de dolor
D’aver sus la fogèra
Daissar far lo Peiron.
Sul còp ièu me fachèri ,
Me disputèri pro,
Mas que pòt la colèra
Contra un polit pastron.”
“Avètz pecat bergèra
Contra lo Salvador
D’aver sus la fogèra
Daissat far lo Peiron.
Dieu que n’es un bon Paire
Aima la contricion
Mas non perdona gaire
Qu’aprèp l’absolucion.”
“Ièu compreni mon Paire,
Que vos avètz rason,
Mas cossi podriái faire
De n’aimar pas Peiron?
Ièu l’aimi amb constença,
El m’aima ambe furor!
Doblatz la peniténcia
E daissatz me Peiron !”
“Ton Peiron n’es un Diable !”
“Paire qu’avètz vos dit?
Es un pastron aimable
Non pas un Antecrist.
Es al bosc que m’espèra
M’en vau l’anar trapar
Tornarai pas pus Paire
Jamai me confessar ! “
Totes emsems :
“Tornarai pas pus Paire
Jamai me confessar ! “