Paraulas : balha me una cigareta

♪♫ BALHA ME UNA CIGARETA ♫♪

( Paraulas e musica de La Sauze )

Balha me una cigareta

Vuja me ras un gòt de vin.

L’amor un ser vos fa riseta

Melhor vos chapla lo matin.

Ai pas tirat a la palheta

Se me caliá viure o morir.

Balha me una cigareta

Vuja me ras un gòt de vin.

Tornarà pas polsar l’aureta

Dins la bruga e lo romanin,

Cantarà pas pus la lauseta

Dins la frescura del matin.

La vida m’a fait la cambeta

Me soi amorrat pel camin.

Balha me una cigareta

Vuja me ras un gòt de vin.

Mòrt somiada per lo poeta

Per lo qu’a pas de devenir

Buf calhat dins la clarineta,

Det agrepit sul clavecin.

Caliá pas èsser plan profeta

Per solfinar ma puta fin.

Balha me una cigareta

Vuja me ras un gòt de vin.

Me donaràn pas la roseta :

I a pas cap de glòria a perir

Al camp d’amor. Quand lo còr peta

Que siá aval, que siá aquí . . .

Entre la ròsa e l’amoreta,

Jamai non i a sabut causir.

L’aura s’esquissa sus l’acrin.

Balha me una cigareta.