Paraulas : Nos cal cantar Joan

Claudi Martí

Per tos matins que saludavan

Aquela lutz damont l'estang

Per tas vendémias que s'acaban

Nos cal cantar Joan

Nos cal cantar.

Nascuts sus una tèrra blanca

Vòstra dempuèi mai de mil ans

Per ton paire e per ta maire

Nos cal cantar Joan

Nos cal cantar.

Repic : E malgrat ton sang sus la rota

E aquel vin a beure sols

Defòra del temps nos escotas,

Veses : cantam Joan,

Veses, cantam !

Aquí lo temps de las messorgas

Lo peis morís dedins l'estang

Contra l'usina atomica

Nos cal lutar, Joan

Nos cal lutar.

Deman ton sòmi sarà fòrça

E sus ton païs retrobat

Bufa nòstra vent de l'istòria

E nòstre esper, Joan,

Nòstre esper.

Repic

Vaqui çò que voliás se dreiça

Sèm mai que mai a èsser tu,

Per aquel pòble que se lèva

Nos cal cantar Joan

Nos cal cantar !

Repic