Paraulas : Som som
Poèma de Loísa Paulin cantat per Rosina de Peira
Som som vèni vèni vèni
Som som vèni vèni donc,
Som som vèni vèni vèni
Som som vèni vèni donc !
Direm pas a la nòstra Nena
Que i a tant d’estelas al cèl
Voldriá pas mai clucar son uèlh,
Voldriá pas mai clucar son uèlh,
Direm pas a la nòstra Nena
Que son tant d’estelas al cèl.
Direm pas a la nòstra Nena
Qu’amont-naut cantan los aucèls,
Voldriá pas mai clucar los uèlhs,
Voldriá pas mai clucar los uèlhs,
Direm pas a la nòstra Nena
Qu’amont-naut cantan los aucèls,
Direm pas a la nòstra Nena
Qu’amont-naut cantan los aucèls.
Som som vèni vèni vèni
Som som vèni vèni donc,
Som som vèni vèni vèni
Som som vèni vèni donc !
Direm pas a la nòstra Nena
Qu’ençaval nos cal tant plorar,
Se voldriá pas desrevelhar,
Se voldriá pas desrevelhar,
Direm pas a la nòstra Nena
Qu’ençaval nos cal tant plorar.
Tot a l’entorn fai nuèit, e l’enfant dròm, qu’asombra sa cara al país del seu sòmi.
Entremièg ribièra e mar, un òme s’en vai. . . .
S’en vai mans tendudas coma d’estelas, e li passan davant
Deseperança d’ièr e crenta de deman
E s’arrèsta lo temps, endacòm
Entremièg ribièra e mar.
Mas direm a la Nòstra Nena
Que canta coma los aucèls
Que nòstre cèl es dins sos uèlhs
Que nòstre cèl es dins sos uèlhs
E que se vòl dormir la Nena
La farem Reina dels Angels
E que se vòl dormir la Nena
La farem Reina dels Angels.
Segur de tota la terra
Fantons de totas colors
Deman una auba novela
Vendrà vos tirar del som.
Esper vèni, vèni, vèni
Esper vèni abans lo ser. . .
Esper vèni, vèni, vèni
Esper vèni abans lo ser. . .